Azərbaycan Respublikası Prezidentinin Sərəncamına əsasən, Şuşa şəhərinin islam dünyasının mədəniyyət paytaxtı elan edilməsi ilə əlaqədar Astara Dövlət Rəsm Qalereyasında tədbir keçirilib. Bu haqda məlumatı Cenublu.az bu gün, 29 mart tarixində verir.
Tədbirdə Artupa kənd tam orta məktəbinin müəllim və şagird kollektivi iştirak edib. Çıxışlarda bildirilib ki, Şuşanın islam dünyasının mədəniyyət paytaxtı seçilməsi Azərbaycanın tarixi-mədəni, ictimai-siyasi həyatında mühüm mərkəzlərindən biri olan Şuşaya xüsusi ehtiramın ifadəsidir.
Sonra mövzu ətrafında məktəblilərin sualları cavablandırılıb.
Yekunda mövzu ilə bağlı təşkil olunmuş sərgiyə baxış keçirilib.
