Natiq Əlyar oğlu Orucov 1973-cü ildə Masallı rayonunun Şıxlar kəndində anadan olub.
O, Yeddioymaq və Şıxlar kənd orta məktəblərində təhsil alıb. 1991-ci ildə Orucov orta təhsilini bitirdikdən sonra orduya gedib, 730 nömrəli Gəncə batalyonunda xidmət edib.
Natiq Orucov Ağdərə rayonu və ona yaxın olan kəndlərin erməni quldur dəstələrindən təmizlənməsində fəal iştirak edib [1].
Natiq Orucovun hərbi xidmət müddəti yalnız altı ay davam edib. Buna səbəb isə 22 sentyabr 1992-ci ildə Ağdərə bölgəsində Çıldıran üzərində gedən döyüşlərdə, onun ermənilər tərəfindən güllələnməsi idi [1]. Ağır yaralandığından Orucovu Tərtər hospitalına yerləşdirirlər [2]. Lakin Natiq Orucov 27 sentyabr 1992-ci ildə dünyasını dəyişib və Şıxlar kənd qəbiristanlığında dəfn edilib [1,2].
7 iyun 1993-cü ildə Natiq Əlyar oğlu Orucovun bir zaman təhsil aldığı Masallı rayonundakı 1 nömrəli Şıxlar kənd məktəbinə onun adı verilib. Hazırda həmin məktəbdə Natiq Orucova həsr olunmuş guşə mövcuddur [2].
Ədəbiyyat:
