Abazallı kəndi Cəlilabad şəhərindən 20 km şimal-qərb istiqamətində yerləşir.
Ehtimal olunur ki, kəndin adı vaxtilə xəzər və peçeneqlərin tərkibində Azərbaycana gəlmiş abaz (avaz, abas) tayfasının adı ilə bağlıdır [2].
Kəndin əsasını XVIII əsrin sonu - XIX əsrin əvvəllərində Abazallı nəslindən olanlar qoyub. Bu səbəbdən kənd Abazallı adlandırılıb. 1900-cü illərdə bu əraziyə Cəlilabadın Musalı kəndindən bir neçə adam köçüb. 1916-cı ildə kəndə Ərdəbil mahalının Muradlı nəslindən olan 30 ailə gəlib. Bundan əlavə, buraya vaxtilə Cənubi Azərbaycandan daha bir neçə şəxs köçüb.
Abazallı kəndində tarixi abidələr sırasında XX əsrə aid məscid və körpünü qeyd etmək olar.
Kənddə “Rus yeri” adlanan ərazi mövcuddur. Ərazinin bu cür adlandırılması 1900-cü ildə Abazallı nəslindən olan Hacı İsmayılın 30 hektarlıq yeri ruslardan qızıl pulla alması ilə bağlıdır [3].
1915-ci ilə aid olan siyahıyaalınmaya görə, Abazallı kəndində 75 nəfər yaşayıb [1].
2016-cı ilin statistik göstəricilərinə əsasən, kənddə 895 nəfərin yaşadığı qeydə alınıb [3].
Ədəbiyyat:
