Masallı rayonunun Boradigah qəsəbə sakini Taleh Ağayev 40 ildir ki, misgərlik və qalayçılıq sənəti ilə məşğuldur.
Misgər ailəsində böyüyən Taleh bəy qeyd edir ki, keçmişdə misdən hazırlanan məişət və zinət əşyaları insanların gündəlik həyatında daha çox yer tuturdu:
“Əvvəllər gəlin köçən qızlara cehiz olaraq mis qablar, mis samovarlar verilirdi. Bir ara, demək olar ki, ümumiyyətlə, istifadə olunmadı. Son zamanlar yenə buna tələbat artıb”.
“Turistlər üçün misdən balaca suvenirlər düzəldirik. Bakıda da əl işlərim satılır. Burada 120-130 illik qədim parç var. Bundan əlavə, 120-130 yaşlı qədimi samovarlar var”, – deyə o əlavə edib.
Mis qabda bişən yeməyin daha dadlı olduğunu deyən Taleh Ağayev özəl sifarişlər də götürür.
