Cahangir İnşalla oğlu Hüseynov 4 aprel 1938-ci ildə Masallı rayonunun İkinci Yeddioymaq kəndində anadan olub.
Hüseynov 1953-cü ildə Lənkəran Tibb Texnikumuna daxil olub və 1956-cı ildə həmin təhsil müəssisəsini bitirib. İki il Masallı Rayon Xəstəxanasında işlədikdən sonra 3 il hərbi xidmətdə olub [1]. Daha sonra İkinci Yeddioymaq kəndində tibb qardaşı kimi çalışıb.
1962-1967-ci illərdə Türkmənistanın Aşqabad şəhərindəki Tibb institutunda təhsil alıb. Daha sonra 1990-cı ilədək Türkmənbaşı səhərində cərrah işləyib.
O, Türkmənistan Respublikası Cərrahlar Cəmiyyətinin üzvü idi. Həkim tibb sahəsində xidmətlərinə görə 1985-ci ildə SSRİ Səhiyyə Nazirliyi tərəfindən “Əlaçı” nişanı ilə təltif edilib [2].
1990-cı ildə olan 20 Yanvar hadisələri zamanı Vətənə qayıdaraq, xalqa kömək edib.
Cahangir Hüseynov 1 avqust 1991-ci ildə vəfat edib və İkinci Yeddioymaq kəndində dəfn olunub [1].
Ədəbiyyat:
