Bu gün Vətən müharibəsi şəhidi Saleh Səfərovun doğum günüdür. Cenublu.az xəbər verir ki, Müddətdən Artıq Həqiqi Hərbi Xidmət Edən əsgəri Saleh Səfərov 1983-cü il avqustun 31-də Yardımlı şəhərində anadan olub.
S.Səfərov 2012-ci ildə hərbi xidmətə yollanıb. Sonra yenidən 2014-cü ildə hərbi xidmətini MAXE hərbi qulluqçu kimi davam edib. O, tank komandiri vəzifəsində fəaliyyət göstərib. Vətən müharibəsi zamanı Saleh Səfərov sentyabrın 29-da Füzulinin istigamətində gedən döyüşdə savaşaraq şəhidlik zirvəsinə ucalıb.
Oktyabr 11-i Yardımlı rayonunda dəfn edilib. Ailəli idi. Bir qız və bir oğlan övladı yadigar qalıb.
Qeyd edək ki, o, ölümündən sonra “Vətən uğrunda”, "İgidliyə görə", "Füzulinin azad olunmasına görə", "Xocavəndin azad olunmasına görə" və "Şuşanın azad olunmasına görə" medalları ilə təltif olunub.
