Lənkəran şəhəri, Əli Məmmədov küçəsinin zibil problemi sakinləri narahat edir. Bununla bağlı onlar bu gün, 25 dekabr tarixində Cenublu.az-a müraciət ediblər.
Sakinlər bildirirlər ki, artıq uzun müddətdir ki, ərazi naməlum şəxslər tərəfindən zibillənir:
“Bura xəbərdaredici lövhə asılmasına baxmayaraq, əraziyə mütəmadi olaraq tullantı atılır. Heyvanlar onları dağıdır, ətrafdan qoxu əlindən keçmək mümkün olmur. Xahiş edirik, buranı zibilləyən şəxs və ya şəxslər barəsində ölçü götürülsün”, – deyə sakinlər bildirirlər.
Qeyd edək ki, ərazidə LDU-nun 2 korpusu yerləşir və bu yoldan sakinlər tərəfindən daima istifadə olunur.
