Neftçala şəhərində uzun müddətdir istifadəsiz qalan binanın ətrafının baxımsız vəziyyətdə olması əhalidə narazılıq yaradıb.
Cenublu.az xəbər verir ki, binanın ətrafı kol-kos və qurumuş alaq otları ilə örtülüb. Sakinlərin sözlərinə görə, bu vəziyyət həm xoşagəlməz mənzərə yaradır, həm də yay aylarında yanğın riskini artırır.
Bildirilib ki, bir neçə gün əvvəl ərazidə yanğın baş verib və hadisə Fövqəladə Hallar Nazirliyinin əməkdaşları tərəfindən söndürülüb. Sakinlər yaxınlıqda elektrik transformatorunun yerləşdiyini, mümkün yanğının daha ağır nəticələrə səbəb ola biləcəyini deyirlər.
Onlar aidiyyəti qurumlardan ərazinin kol-kosdan təmizlənməsini, abadlıq işlərinin aparılmasını və yanğın təhlükəsinin aradan qaldırılmasını xahiş edirlər.
