Masallı rayonunun Mololon kəndinin yolları keçilməz vəziyyətdədir. Bu haqda məlumatı Cenublu.az bu gün, 28 mart tarixində Space TV-yə istinadən verir.
Belə ki, Molonon kəndini Mahmudavar kəndi ilə birləşdirən 4 km-lik yol tamamilə dağılıb. Sakinlər isə məcbur qalıb Lənkəran rayonunun Zövlə kəndi ərazisindən istifadə edirlər.
Mahmudavar kənd bələdiyyəsinin sədri Kəmaləddin Ağayev deyir ki, Mololon kəndinin əhalisi 600 nəfərdən ibarətdir və 110 təsərrüfatı var.
“Hal-hazırda sakinlər Mololon-Zövlə yolundan istifadə edirlər. Yolun asfalt olunması üçün aidiyyəti üzrə müraciət olunub. Həmin yola baxış keçirilib. Nəzərdə tutulub ki, həmin yol pis vəziyyətdə olduğu üçün Masallı RİH tərəfindən “Azəryol” istismar idarəsinə müraciət olunsun. Yolun bu il ərzində təmir edilməsi nəzərdə tutulub”, - deyə bələdiyyə sədri əlavə edib.
