Masallıda kənd sakinləri yol problemi ilə üzləşiblər. Bu haqda bu gün, 22 fevral tarixində Cenublu.az APA.az-a istinadən xəbər verir.
Sözügedən məsələ Mololon kəndində müşahidə edilib. Mahmudavar kəndi ilə birləşən 4 km-lik yol tamamilə dağılıb. Sakinlər məcbur qalıb Lənkəran rayonunun Zövlə kəndi ərazisindən istifadə edirlər. Bu da onlar üçün vaxt itkisinə gətirib çıxarır.
Mahmudavar kənd bələdiyyəsinin sədri Kəmaləddin Ağayev deyir ki, Molalan kəndinin 600 nəfər əhalisi, 110 təsərrüfatı var. Hal-hazırda sakinlər Molalan-Zövlə yolundan istifadə edirlər. Yolun asfalt olunması üçün aidiyyəti üzrə müraciət olunub. Bələdiyyə sədri onu da bildirdi ki, yolun 2023-cü ildə təmir olunması nəzərdə tutulub.
