Masallı rayonu, Xallıcallı kənd yollarının vəziyyəti sakinləri narahat edir. Bununla bağlı onlar bu gün, 2 sentyabr tarixində Cenublu.az-a müraciət ediblər.
Sakinlərin sözlərinə görə, rayonun Qızılağac kəndinin yolları tam asfaltlansa da, Xallıcallı kəndinə düşən yol toz-torpaq içindədir.
“Xallıcallı yoluna sedan avtomobili ilə girmək qeyri-mümkündür. Yol toz-torpaq içindədir. Yağış yağdıqda isə palçıq olur. Həmçinin Qızılağac yoluna asfalt çəkiləndən sonra yolun hündürlüyü qalxıb və Xallıcallı yoluna avtomobillə gedərkən altı dəyir. Xahiş edirik, bunları nəzərə alıb yolu təmir etsinlər”, – deyə sakinlər söyləyiblər.
