Masallı rayonunun Binə Xocavar kəndinin sakinləri yolsuzluqdan əziyyət çəkirlər. Bununla bağlı onlar bu gün, 13 mart tarixində Cenublu.az-a müraciət ediblər.
“Gün ərzində onlarla insan bu yollardan istifadə edir. Məktəbə, dərsə, işə-gücə gedənlər o qədər əziyyət çəkirlər ki. Nəinki piyada, heç avtomobillər belə bu yollara dözmür. Təcili yardım min bir əziyyətlə lazımi ünvana çatır. Xahiş edirik aidiyyəti qurumlardan, problemimizi həll etsinlər”, - deyə sakinlər bildiriblər.
Qeyd edək ki, Binə Xocavar kəndi XIX əsrin əvvəllərində qonşu Böyük Xocavar kəndindən qopan və kəndin indiki ərazisində özlərinə binə salan ailələrdən təşkil olunub. Əhalisi 1200 nəfərə yaxındır.
[URIS id=35035]
