Masallıda Ramazan bayramı öncəsi rayonun bir çox ərazilərində yollarda cari təmir işləri aparılıb. Bu haqda məlumatı Cenublu.az bu gün, 8 aprel tarixində verir.
Belə ki, rayonun Çaxırlı ərazisində ərazi nüməyəndəliyinin təşkilatçılığı, bələdiyyə və kənd sakinlərinin dəstəyi ilə 3000 metr yola qreyder verilib və 200 metr yola çınqıl döşənərək yayılıb. Təklə ərazisində də Bələdiyyənin təşkilatçılığı ilə 1000 metr uzunluğunda kənddaxili yol kənd sakinlərinin maliyyə dəstəyi ilə qreyderlə hamarlanaraq çınqıl döşənib.
Bədəlan ərazi nümayəndəsinin təşəbbüsü və kənd sakinlərinin dəstəyi ilə I Qarabağ müharibəsi şəhidi Davud Qulamovun adına olan küçə cari təmir etdirilib, Bədəlan–Xanalion yolu qreyderlə hamarlanıb.
Eyni zamanda rayonun Köhnə Alvadı ərazisində kənd əhalisinin dəstəyi ilə 260 metr uzunluğunda yola çınqıl döşənərək yayılıb.
