Masallı rayonu ərazisində baş vermiş qəza nəticəsində iki piyada dünyasını dəyişib. Bu haqda məlumatı Cenublu.az bu gün, 11 dekabr tarixində verir.
Hadisə Lənkəran-Boradigah-Masallı yolunun Masallı rayonunun Qəzvinoba kəndi ərazisindən keçən hissəsində qeydə alınıb.
Masallı rayon sakini Qorxmaz Hüseynov idarə etdiyi "Toyota Corolla" markalı avtomobillə hərəkətdə olarkən yolu keçmək istəyən piyadalar – 17 yaşlı İsa Cavadov və 20 yaşlı İslam Əliyevi vurub. Hər iki piyada aldığı xəsarətlərdən hadisə yerində ölüb.
Faktla bağlı araşdırma aparılır.
