Masallıda iki “Mercedes” markalı avtomobil toqquşub. Bu haqda məlumatı Cenublu.az bu gün, 2 mart tarixində Apa.az-a istinadən verir.
Hadisə Lənkəran-Boradigah-Masallı magistralının Boradigah kəndi ərazisindən keçən hissəsində baş verib. Belə ki, Masallı rayonunun Hişkədərə kənd sakini, 45 yaşlı Rövşən Əliyev idarə etdiyi "Mercedes" markalı 99-GG-393 dövlət qeydiyyat nömrə nişanlı minik avtomobili ilə hərəkətdə olarkən Masallı rayonunun Türkoba kənd sakini, 32 yaşlı Nurlan Məmmədovun idarə etdiyi "Mercedes" markalı 44-CK-316 dövlət nömrə nişanlı avtomobillə toqquşub.
Toqquşma nəticəsində 44-CK-316 dövlət qeydiyyat nömrə nişanlı avtomobilin sürücüsü Nurlan Məmmədov və sərnişini, Masallı rayonunun Türkoba kənd sakini, 40 yaşlı Coşqun Rzayev xəsarət alıblar.
Vəziyyəti ağır olan Nurlan Məmmədov Masallıdakı özəl klinikalardan birinə yerləşdirilib. Həkimlər ona kəllə-beyin travması və üst çənə sümüyünün sınığı diaqnozu qoyublar.
Coşqun Rzayev Masallı rayon mərkəzi xəstəxanasına yerləşdirilib.
Faktla bağlı araşdırma aparılır.
[caption id="attachment_54925" align="alignnone" width="336"]
Foto Apa.az[/caption]
