Masallıda iki yük maşını toqquşub. Bu haqda məlumatı Cenublu.az bu gün, 14 aprel tarixində Apa.az-a istinadən verir.
Hadisə gecə saatlarında Ələt-Astara magistralının 131-ci kilometrində qeydə alınıb.
Dağıstan vətəndaşı, 33 yaşlı Maqomedsadiq Xasmamodoviç Ahayev idarə etdiyi TIR ilə hərəkətdə olan "KamAZ" markalı yük avtomobili ilə toqquşub.
Nəticədə TIR 200 metrə qədər sürüşüb və hər iki yük maşını yol kənarına düşüb. TIR-in sürücüsü sıxılmış vəziyyətdə maşında qalıb.
Hadisə yerinə FHN-in Xüsusi Riskli Xilasetmə Qüvvələri cəlb olunub.
Görülən tədbirlərdən sonra sürücü maşından çıxarılıb, aidiyyəti üzrə təhvil verilib.
Yaralı dərhal Masallı Rayon Mərkəzi Xəstəxanasına çatdırılıb.
Ona ilkin tibbi yardım göstərilib.
Faktla bağlı araşdırma aparılır.
