Masallı rayonunda 16 yaşlı baykerin ağır xəsarət alması ilə nəticələnən qəza baş verib. Bu haqda məlumatı Cenublu.az bu gün 14 dekabr tarixində Avtosfer.az-a istinadən verir.
Hadisə Təkdam kəndində qeydə alınıb. Belə ki, motosiklet anidən 14 saylı marşrut xətti üzrə hərəkət edən avtobusun yoluna çıxıb. Avtobus motosikletə çarpılaraq kanala aşıb.
Nəticədə bəzi sərnişinlər yaralanıblar. 16 yaşlı bayker isə başından xəsarət alaraq xəstəxanaya yerləşdirilib. Məlumata görə, onun vəziyyəti ağırdır.
