Masallıda 3 nəfərin xəsarət alması ilə nəticələnən yol-nəqliyyat hadisəsi baş verib. Bu haqda məlumatı Cenublu.az bu gün, 1 aprel tarixində Apa.az-a istinadən verir.
Hadisə Masallı rayonunun Alvadı kəndi ərazisində baş verib. Belə ki, "Mercedes" markalı minik avtomobilinin sürücüsü idarəetməni itirərək avtomobili yol kənarına aşırıb və ərazidəki transformatoru zədələyib. Qəza nəticəsində 3 nəfər Cəlilabad rayon sakini – 22 yaşlı Əsgər Rasim oğlu Dövlətov, 22 yaşlı Rahul Əziz oğlu Nəzərov və 22 yaşlı Şəhanə Əsgər qızı Əliyeva müxtəlif dərəcəli bədən xəsarətləri alaraq Masallı Rayon Mərkəzi Xəstəxanasına çatdırılıblar.
Ə.Dövlətov və R.Nəzərova ilkin tibbi yardım göstərilib, hər iki şəxs ambulator müalicə üçün evə buraxılıb. Ş.Əliyevaya sağ ayağının, bazunun 1/3 hissəninin yerdəyişən sınığı və kəllə-beyin travması diaqnozu qoyularaq reanimasiya şöbəsinə yerləşdirilib.
Faktla bağlı araşdırma aparılır.
