Masallı qazpaylayıcı stansiyasından çıxan xətdə təmir işləri aparılacaq. Bu haqda bu gün, 31 may tarixində Cenublu.az Lənkəran Regional Qaz İstismarı İdarəsinə istinadən xəbər verir.
Ərkivan qəsəbəsində (Seyid Sadiq məqbərəsinin yanında) quraşdırılan diametri 159 mm-lik orta təzyiqli qaz xəttinin Masallı ölçü qovşağından qidalanan mövcud qaz xəttinə birləşdirilməsi üçün Masallı şəhəri, İsgəndərli, Digah, Kosakül, Seybətin, Səmidxan 2, Öncəqala, Hüseynhacılı, Musaküçə, Gəyəçöl, Xıl, Sirəbil, Sərçuvar, Təzəkənd və Ərkivan yaşayış məntəqələrinin bir hissəsində 01.06.2023 tarixində saat 10:00-dan işlər başa çatana qədər 14.000 abonentin qaz təchizatının dayandırılması planlaşdırılır.
