Masallı rayonunun yollarında təmir-bərpa işləri davam edir. Bu haqda məlumatı Cenublu.az bu gün, 18 fevral tarixində Masallı rayon İcra Hakimiyyətinə istinadən verir.
Belə ki, rayonun Mişkəmi, Qızılavar və Sərçuvar kəndlərinin ara yolları xeyriyyəçilər tərəfindən çınqıl səpilərək hamarlanıb.
Xarici ölkədə yaşayan kənd xeyriyyəçilərinin maddi dəstəyi ilə Miyankü Xeyriyyə Cəmiyyəti tərəfindən kəndin 300 metr daxili yoluna 3 maşın “qraviy” və 2 “Shacman” çınqıl döşənib və hamarlanıb.
Qarğalıq ərazisinin Dəlləkli-Qədirli və Qarğalıq-Xallıcalı yollarının təmiri və yenidən qurulması işləri aparılır.
Ərkivan qəsəbəsində daxili küçəyə xeyriyyəçilər tərəfindən çınqıl döşənərək yayılıb. Qəsəbənin digər yoluna xeyriyyəçilər tərəfindən 5 maşın qum-çınqıl tökülüb və qreyderlə yayılıb.
Bədəlan kənd tam orta məktəbinə gedən yola iki “KamAZ” çınqıl tökülərək ağır texnikalarla hamarlanıb. Xıl ərazisində mərkəzi yolun 4 km hissəsi kənd əhalisinin vəsaiti hesabına və 47 saylı Yol İstismar idarəsinin texnikaları vasitəsilə qumlanır, qreyderlə hamarlanır və asfaltbasanla bərkidilir.
[URIS id=33823]
