Masallı rayon sakini Şəmkirdə qəza keçirib. Bu haqda məlumatı Cenublu.az bu gün, 13 fevral tarixində Daxili İşlər Nazirliyinə istinadən verir.
Belə ki, 12 fevral saat 19:00 radələrində Şəmkir rayonunun Şiştəpə kəndi ərazisində kənd sakini T.Nağıyevanın idarə etdiyi “Nissan” və Masallı rayon sakini M.Rəfiyevin idarə etdiyi “Mercedes” markalı avtomobillər toqquşub.
Nəticədə xəsarət alan T.Nağıyeva xəstəxanaya aparılarkən yolda ölüb. Hər iki avtomobildə olan 2 sərnişin xəstəxanaya yerləşdirilib.
Faktla bağlı Şəmkir Rayon Polis Şöbəsində araşdırma aparılır.
