Lənkəranda kanalizasiya quyusunun qapağının yol örtüyünün səthindən yuxarı olması halları ilə bağlı sakinlər tərəfindən bizə mütəmadi olaraq müraciətlər olunur. Bununla bağlı Cenublu.az bu gün, 20 iyun tarixində məlumat verir.
İzləyicilərimiz bildirirlər ki, xırda görünən bu məsələ əslində böyük problemlər yaradır.
“Çünki bu halda sürücü ya məcburən manevr edib qarşı yola çıxmalıdır, ya da avtomobilinin altını vurmalıdır. Qarşı yola çıxdığı halda qəza şəraiti yaranır, bu səbəbdən də sürücülərin çoxu avtomobillərini bu yollara “qurban” verirlər”, - deyə sakinlər bildiriblər.
“Ümid edirik ki, aidiyyəti qurumlar bu məsələ ilə bağlı ölçü götürəcəklər”, - onlar əlavə ediblər.
