Lənkəran rayonu, İstisu qəsəbəsi, 1 nömrəli çay fabrikinin yanında yerləşən məhəllədə sakinlər elektrik dirəyi və xətləri ilə bağlı problem yaşayırlar. Bu haqda məlumatı Cenublu.az bu gün, 31 avqust tarixində verir.
Sakinlər bildirirlər ki, qəsəbənin girəcəyində yerləşən qəzalı dirək evin üstünə aşmaq üzrədir. Həmçinin elektrik naqillərinin həyətin ortası ilə keçməsi və yaşayış evinin damına toxunması sakinləri təlaşa salır. Onlar bildirirlər ki, dəfələrlə “Azərişıq”a müraicət ediblər, lakin cavabında qurum balanslarında kran olmadığı üçün problemi həll edə bilməyəciyini bildirib.
Həmçinin sakinlər bildirirlər ki, ətraf məhəllələrdə artıq sakinlər üçün kartla işləyən sayğaclar quraşdırıblar:
“Bununla bağlı bir daha “Azərişıq”a müraciət etdik. Lakin bizə bildirildi ki, məhəlləmizin transformatoru köhnə olduğundan bunu etmək hələ ki, mümkün deyil”.
