Lənkəran rayonu, Digah kəndinin sakinləri yollarının gediş-gəliş üçün əlverişli olmamasından şikayətçidirlər. Bununla bağlı onlar bu gün, 8 sentyabr tarixində Cenublu.az-a müraciət ediblər.
Sakinlər bildirirlər ki, bir neçə dəqiqə yağışın yağması kifayət edib ki, kəndin yollarında gölməçələr əmələ gəlsin:
“Kəndimizin yol və qaz problemi illərdir ki, bitmək bilmir. Dəfələrlə müraciət etməyimizə baxmayaraq, problemlərimiz həll olunmur. Xahiş edirik, qarşıdan qışın gəlməyini nəzərə alıb bizim problemlərimizi həll etsinlər”.
