Lənkəran şəhərinin Mirzə Məhəmməd Axund küçəsində nəqliyyatın hərəkətində çətinliklər yaranıb. Bununla bağlı sakinlər bu gün, 16 fevral tarixində Cenublu.az-a müraciət ediblər.
Belə ki, 3 nömrəli məktəbin ərazisində yerləşən yolun piyada səkisi zəbt olunub:
“Səhər uşaqlarımızı məktəbə aparmaqda çətinlik çəkirik. Yol zəbt olunub: nə piyadalar, nə də avtomobillər hərəkət edə bilir. Günün bütün saatlarında burada sıxlıq müşahidə edirik. Xahiş edirik aidiyyəti qurumlardan, məsələni həll etsinlər”, – deyə sakinlər bildiriblər.
[URIS id=53910]
