Fövqəladə Hallar Nazirliyinin (FHN) "112" qaynar telefon xəttinə Lənkəran rayonunda yol-nəqliyyat hadisəsinin baş verməsi ilə əlaqədar xilasedici köməyinə ehtiyac yaranması barədə məlumat daxil olub.
Əraziyə FHN-in Cənub Regional Mərkəzinin xilasetmə qüvvələri çağırış üzrə cəlb olunub.
Əməliyyat şəraiti qiymətləndirilərkən müəyyən olunub ki, “QAZel” markalı yük avtomobili ilə “ VAZ 2106 ” markalı minik avtomobili toqquşub, 1 nəfər “VAZ 2106” markalı avtomobildə sıxılmış vəziyyətdə qalıb.
Həyata keçirilən xilasetmə tədbirləri nəticəsində 1 nəfər müxtəlif xəsarətlərlə nəqliyyat vasitəsindən çıxarılaraq təcili tibbi yardım briqadasına təhvil verilib.
***
Lənkəranda avtomobillərin toqquşması nəticəsində 3 nəfər xəsarət alıb. Bu haqda məlumatı Cenublu.az bu gün, 11 mart tarixində Report.az-a istinadən verir.
Hadisə rayonun Darquba kəndi ərazisində baş verib. "Qazel" markalı yük avtomobili "Mercedes" və "VAZ-2106" markalı minik avtomobilləri ilə toqquşub. Nəticədə "VAZ-2106" deformasiyaya uğrayıb.
FHN-in xüsusi xilasetmə hissəsinin xilasediciləri Lənkəran rayonunun Şağlaküçə kənd sakinləri – 34 yaşlı Ramin Əlabbas oğlu Şükürov və 35 yaşlı Ağasif Fəzail oğlu İsmayılovu sıxılaraq qaldıqları avtomobildən çıxarıblar. Daha bir yaralı, "Qazel"də sərnişin qismində olan Lerik rayonunun Hamarmeşə kənd sakini, 59 yaşlı Qasım Rüstəm oğlu Qasımov da Lənkəran Rayon Mərkəzi Xəstəxanasına çatdırılıb.
Faktla bağlı araşdırma aparılır.
[URIS id=55565]
