Lənkəran şəhərinin bu küçəsinə yolu düşən hər kəs, yəqin ki, təəssüf hissi keçirir. Küçənin yolunun baxımsız vəziyyətdə olması, zibillərin vaxtı-vaxtında təmizlənməməsi, üstəlik də küçənin Vətən müharibəsi şəhidinin adını daşıması hər bir lənkəranlını məyus edir.
Elə bu səbəbdən də sakinlər Cenublu.az-a müraciət edib dərdlərini danışıblar.
“Keçmiş Vağzal, indiki Orxan Quluzadə küçəsi bəzi qurumlar tərəfindən unudulub. Dəfələrlə müraciət etmişik ki, bizə zibil konteynerləri qoysunlar, küçənin yol örtüyünü yeniləsinlər, amma bir fayda yoxdur. Bir daha sizin vasitənizlə müraciət edib bildiririk ki, səsimizi eşidib problemlərimizi həll etsinlər”, - deyə sakinlər bildiriblər.
Qeyd edək ki, Cenublu.az daha öncə də küçədə tullantıların vaxtı-vaxtında yığışdırılmaması və ərazidə zibil qutularının olmaması haqda paylaşım edib.
[URIS id=33773]
