Lənkəranda yol-nəqliyyat hadisəsi baş verib.
Report.az xəbər verir ki, hadisə Ələt-Astara-İran magistralının Lənkəran rayonu ərazisində qeydə alınıb. Belə ki, 40 yaşlı İlqam Cəbiyevin idarə etdiyi "Hundai Santa Fe" markalı minik avtomobili idarəetmədən çıxaraq beton maneəyə çırpılıb. Nəticədə Bakı şəhərində yaşayan 11 yaşlı H.Cəbizadə, 56 yaşlı Lətifə Cəbiyeva və 40 yaşlı Nailə Muradova müxtəlif dərəcəli bədən xəsarətləri alıblar.
Onlar Lənkəran Rayon Mərkəzi Xəstəxanasının təcili yardım şöbəsinə çatdırılıblar.
Faktla bağlı araşdırma aparılır.
