Lənkəranda yol-nəqliyyat hadisəsi qeydə alınıb. Bu haqda məlumatı Cenublu.az bu gün, 3 avqust tarixində Apa.az-a istinadən verir.
Qəza Qurumba kəndi ərazisində baş verib. Mahir Məmmədlinin idarə etdiyi avtomobil hərəkətdə olarkən yolayrıcında idarəetmədən çıxıb. Nəqliyyat vasitəsi yol kənarındakı yol nişanlarına çarpılıb.
Nəticədə Liman şəhər sakinləri – 31 yaşlı Pəri Məmmədli, 7 yaşlı A.Məmmədli və 8 yaşlı Z.Məmmədli müxtəlif dərəcəli bədən xəsarətləri alıblar. Onlar Lənkəran Rayon Mərkəzi Xəstəxanasının təcili yardım şöbəsinə yerləşdiriliblər. Onlara zəruri ilkin tibbi xidmətlər göstərilib. Xəsarət alan ana və uşaqlar yaxınlarının təkidi ilə özəl klinikaya təxliyə ediliblər.
Araşdırma aparılır.
