Lənkəranda yol-nəqliyyat hadisəsi baş verib. Bu haqda məlumatı Cenublu.az bu gün, 17 iyun tarixində Apa.az-a istinadən verir.
Qəza səhər saatlarında Ələt-Astara magistralının 172 km-də, Lənkəran rayonunun Qurumba kəndi ərazisindən keçən hissəsində qeydə alınıb.
Lənkəran rayonunun Cil kənd sakini, 21 yaşlı Sübhan Salam oğlu Həbibzadənin idarə etdiyi traktor hərəkətdə olarkən eyni istiqamətdə hərəkət edən Astara rayonunun Şümrüd kənd sakini, 33 yaşlı Nahid Şadoğlan oğlu Məmmədovun idarə etdiyi “Mitsubishi” markalı pikapın arxa hissəsinə çarpılıb.
Zərbənin nəticəsində traktor aşıb. Traktorun sürücüsü S.Həbibzadə və pikapda olan sərnişinlər, Astara rayonunun Pəlikeş kənd sakinləri – sürücünün qardaşı, 37 yaşlı Mövlud Şadoglan oğlu Məmmədov, həmkəndlisi, 45 yaşlı Araz Qulamhüseyn oğlu Əzimov müxtəlif dərəcəli bədən xəsarətləri alaraq Lənkəran rayon Mərkəzi Xəstəxanasına çatdırılıblar. Yaralılara ilkin tibbi yardım göstərilib.
Faktla bağlı araşdırma aparılır.
[caption id="attachment_39982" align="alignnone" width="336"]
Apa.az[/caption]
