Lənkəran rayonunda iki piyadanın vurulması ilə nəticələnən yol qəzası baş verib. Bu haqda məlumatı Cenublu.az bu gün, 4 iyun tarixində verir.
Hadisə Girdəni kəndi ərazisində qeydə alınıb. Hərəkətdə olan minik avtomobili piyada olan kənd sakinləri – 29 yaşlı Elmar Hüseynovu və 24 yaşlı Məhərrəməli Ağayevi vurub.
Xəsarət alanlar travmatik şok, baldır sümüklərinin çoxsaylı sınığı, başın, döş qəfəsinin və qarın boşluğunun qapalı travması diaqnozu ilə Lənkəran rayon Mərkəzi Xəstəxanasına çatdırılıblar. Onlar Təcili yardım şöbəsinə hospitalizasiya olunublar. Yaralılara zəruri ilkin tibbi yardım göstərilib. Lakin E.Hüseynovu xilas etmək mümkün olmayıb. O, xəstəxanada ölüb. Onun meyiti aidiyyəti üzrə təhvil verilib.
Digər yaralı – M.Ağayevin müalicəsi Cərrahiyyə şöbəsində davam olunur.
Araşdırma aparılır.
