Lənkəranda piyadanın vurulması ilə nəticələnən yol-nəqliyyat hadisəsi baş verib. Bu haqda məlumatı Cenublu.az bu gün, 3 yanvar tarixində Apa.az-a istinadən verir.
Hadisə Şəhidlər xiyabanı küçəsində qeydə alınıb. 42 yaşlı Lənkəran şəhər sakini Yaqut Orucəli qızı Nəsirova yolu qarşı tərəfə keçmək istəyərkən hərəkətdə olan minik avtomobili onu vurub. Y.Nəsirova ağır vəziyyətdə dərhal Lənkəran Rayon Mərkəzi Xəstəxanasının Acil şöbəsinə çatdırılıb. Həkimlər yaralıya qapalı kəllə-beyin travması diaqnozu qoyublar və o, reanimasiya şöbəsinə yerləşdirilib.
Faktla bağlı araşdırma aparılır.
