Lənkəranda ölümlə nəticələnən ağır qəza baş verib. Bu haqda məlumatı Cenublu.az bu gün, 1 mart tarixində APA-ya istinadən verir.
Hadisə köhnə Ələt-Astara magistralının 214-cü kilometrində qeydə alınıb. “VAZ-2107” markalı minik avtomobili idarəetməni itirərək yolun kənarındakı iri ağaca çarpılıb. Nəticədə sürücü, Mamusta kənd sakini, 26 yaşlı Azər Babayev hadisə yerində dünyasını deyişib.
Xanbulan kənd sakini, 26 yaşlı Ülvi Əzizli və həmkəndlisi, 21 yaşlı Riad Qurbanov müxtəlif dərəcəli xəsarətlər alaraq Rayon Mərkəzi Xəstəxanasına çatdırılıblar.
Ü.Əzizlinin vəziyyəti ağır olduğundan o, reanimasiya şöbəsinə yerləşdirilib.
Araşdırma aparılır.
