Lənkəranda yol-nəqliyyat hadisəsi baş verib. Bu haqda məlumatı Cenublu.az bu gün, 25 aprel tarixində verir.
Hadisə Lənkəran rayonunun Girdəni kəndi ərazisində qeydə alınıb.
Belə ki, Masallı rayonunun Həsənli kənd sakini, 64 yaşlı Məhəmmədhüseyn Fərəcovun idarə etdiyi 44-BR-444 nömrə nişanlı “Mercedes” markalı avtomobil idarəetmədən çıxaraq divara çarpılıb.
Zərbə nəticəsində avtomobil deformasiyaya uğrayıb. Sürücü avtomobildən çıxarılaraq təcili yardım avtomobili ilə xəstəxanaya çatdırılıb. Onun vəziyyəti ağır qiymətləndirilir.
Qeyd edək ki, M.Fərəcov Masallı rayonu Həsənli kənd tam orta məktəbində ingilis dili müəllimi işləyir.
Faktla bağlı araşdırma aparılır.
