Lənkəranda avtomobil 14 yaşlı piyadanı vurub. Bu haqda məlumatı Cenublu.az bu gün, 30 may tarixində Report.az-a istinadən verir.
Hadisə rayonun Səpnəkəran kəndi ərazisində qeydə alınıb. Lerik rayonunun Rvarud kənd sakini, 49 yaşlı Ehram Firudin oğlu Muradov idarə etdiyi "Niva" markalı avtomobillə yolu keçən 14 yaşlı Səpnəkəran kənd sakini Rəvayət Füzuli qızı Fərəcovanı vurub.
Yaralı Lənkəran Rayon Mərkəzi Xəstəxanasına çatdırılıb. Onun vəziyyəti ağır olduğundan o, reanimasiya şöbəsində zəruri tibbi yardım göstərildikdən sonra özəl klinikalardan birinə göndərilib.
Faktla bağlı araşdırma aparılır.
