Lənkəranda piyadaların xəsarət almaları ilə nəticələnən yol-nəqliyyat hadisəsi baş verib. Bu haqda məlumatı Cenublu.az bu gün, 15 mart tarixində Apa.az-a istinadən verir.
Hadisə şəhərin Zərifə Əliyeva küçəsində qeydə alınıb. Hərəkətdə olan “VAZ-2106” markalı minik avtomobili piyadalar – şəhər sakinləri, 28 yaşlı Fariz Əzizli və 47 yaşlı Ramin Əliyevi vurub.
Xəsarət alanlar ağır vəziyyətdə xəstəxanaya çatdırılıblar. Vəziyyəti ağır qiymətləndirilən F.Əzizli reanimasiya şöbəsinə yerləşdirilib.
Araşdırma aparılır.
