Lənkəran rayonunda sürücünün xəsarəti ilə nəticələnən qəza qeydə alınıb. Bu haqda məlumatı Cenublu.az bu gün, 27 yanvar tarixində APA-ya istinadən verir.
Hadisə Biləsər kənd ərazisində baş verib. Belə ki, rayonun 41 yaşlı Gərmətük kənd sakini Həbib İsmayılovun idarə etdiyi “VAZ-2107” markalı avtomobil yol kənarındakı divara çarpılıb. Nəticədə avtomobil aşıb və sürücü yaralanıb.
Hadisə yerinə təcili yardım çağırılıb. Sürücü Lənkəran Rayon Mərkəzi Xəstəxanasına çatdırılıb.
Faktla bağlı araşdırma aparılır.
