Lənkəran şəhəri 4 saylı tam orta məktəbin qarşısındakı piyada zolağı sürücülər və piyadalar arasında çaşqınlıq yaradır. Bu haqda məlumatı Cenublu.az bu gün, 5 aprel tarixində verir.
Belə ki, Fikrət Məmmədov küçəsində yerləşən piyada zolağı silinib, piyada keçidi nişanı isə yoxdur. Bu səbəbdən piyadaların buradan keçməsinin düzgün olub-olmaması sual doğurur.
“Buradan gündə yüzlərlə insan, əsasən də şagirdlər keçirlər. Piyada keçidi nişanının olmaması sürücülərə haqq verir ki, piyadaya yol verməsinlər. Piyada isə keçmişdə burada zolaq olduğu üçün yolu keçməkdə özünü haqlı bilir. Nəticədə anlaşılmazlıq baş verir”, - deyə sakinlər bildiriblər.
