Lənkəranda sakinlərinin tez-tez istifadə etdikləri yol yararsız haldadır. Bu haqda bu gün, 9 mart tarixində Cenublu.az xəbər verir.
Sözügedən yol Lənkəran şəhər V.Əliyev adına 4 nömrəli humanitar təmayüllü məktəb-liseyin qarşısında yerləşir. Sakinlər bildirirlər ki, məktəbin qarşısında yollar bu vəziyyətdə olduğundan yağıntılı günlər zamanı küçə su içində olur. Uşaqların üst-başı hər zaman bulaşır və onlar üçün təhlükə yaranır.
Həmçinin sürücülər qeyd edirlər ki, yolun bu halda olması onların avtomobillərinə ziyan vurur.
“Bu yollara görə hər 4 aydan bir avtomobil üçün artıq xərclərimiz çıxır. Səbirsizliklə Lənkəranın yollarının təmir olunacağı günü gözləyirik”, - deyə onlar bildiriblər.
