Lənkəranda toy karvanı zamanı magistral yolda təhlükəli hərəkətlər edən sürücülərin görüntüləri yayılıb.
Cenublu.az xəbər verir ki, hadisə Ələt-Astara magistral yolunun Lənkəran rayonunun Qurumba kəndi ərazisindən keçən hissəsində baş verib. Toy karvanında iştirak edən bir neçə sürücü yol hərəkəti qaydalarını kobud şəkildə pozaraq ciddi təhlükə yaradıb.
Şahidlərin çəkdiyi videolarda sürücülərin sürət həddi saatda 110 kilometr olan yolda təhlükəli manevrlər etməsi, avtomobillərin qəza şəraiti yaratması və digər hərəkət iştirakçılarına problem yaratdığı aydın görünür.
Qeyd edək ki, avtoxuliqanlıq halları ölkədə qanunvericiliklə cərimə və həbs cəzası ilə cəzalandırılır.
View this post on Instagram
