Lənkəran şəhərində abadlıq-quruculuq işləri davam etdirilir.
Şəhərin bir çox küçə, prospekt və parklarında təmir-tikinti, abadlıq və son tamamlama işləri davam etdirilir. Bu çərçivədə Heydər Əliyev prospekti, akademik Zərifə Əliyeva, Paşa Təhməzov, Mirzə Məmmədhüseyn Axund, Tofiq Aslanov, Səttərxan, Əliağa Vahid, Məhəmməd Əsədov, Şirəli Axundov, Koroğlu və Fikrət Məmmədov küçələri, həmçinin Həzi Aslanov, Xocalı, Əsgər Əliyev adına "Dostluq" parkı abadlaşdırılır. Eyni zamanda, şəhərin əsas girişləri sayılan Girdəni və Sütəmurdov körpülərindən başlayaraq Ləvəngi dairəsi və Şəhidlər Xiyabanı ərazisində də işlər aparılır.
Sözügedən ərazilərdə piyada yolları yenidən qurulur, deformasiyaya uğramış səkilər tamamilə sökülərək müasir üslubda bərpa edilir və çoxmərtəbəli binaların fasadları təmir olunur.
Bildirilib ki, yaxın vaxtlarda daha 30-dan yuxarı küçədə abadlıq, təmir və bərpa işlərinə başlanılması nəzərdə tutulur.
