Lənkəran şəhərinin Heydər Əliyev prospektində yolun təmirə ehtiyacı var. Bununla bağlı sakinlər bu gün, 19 iyul tarixində Cenublu.az-a müraciət ediblər.
Belə ki, Lənkəran Tibb Kollecinin yerləşdiyi küçə bir müddət öncə qazılıb.
“Vağzal ərazisində yeni bina tikiləndə kazalizasiya xətləri çəkildiyindən küçədə qazıntı işləri aparılıb. Lakin sonradan yol bərpa olunmayıb. Bir az yağış yağan kimi hər yer palçıq olur. Axı bura mərkəzi küçədir. Tibb kolleci yerləşdiyindən gediş-gəliş də çox olur. Xahiş edirik, aidiyyəti qurumlar bunu nəzərə alıb, küçəmizi təmir etsinlər”, - deyə sakinlər bildiriblər.
