Lənkəran rayonunun Göyşaban kəndində ikimərtəbəli binanın həyətində antisanitar vəziyyət yaranıb. Bu haqda məlumatı Cenublu.az bu gün, 18 sentyabr tarixində Xezerxeber.az-a istinadən verir.
Belə ki, sözügedən binanın kanalizasiya şəbəkəsi dolub və kanalizasiya suları binanın həyətinə axır. Vəziyyətdən nəinki binanın, həm də ətrafda yerləşən fərdi evlərin sakinləri əziyyət çəkirlər.
Lənkəran Şəhər İcra Hakimiyyəti başçısının Göyşaban kənd inzibati dairəsi üzrə nümayəndəsi Qurban Quliyev yaranmış məsələ ilə bağlı bildirib ki, hava şəraiti imkan verən kimi əraziyə texnikalar cəlb olunacaq.
