Lənkəran rayonunun Gərmətük qəsəbəsindəki işıqforda yaranmış problem aradan qaldırılıb.
Oxu.az-ın verdiyi məlumata görə, bu haqda Daxili İşlər Nazirliyinin (DİN) Baş Dövlət Yol Polisi İdarəsinin (BDYPİ) rəsmisi, polis polkovnik-leytenantı Mübariz Ağayev açıqlamasında bildirib.
"Əvvəldən də qeyd etdiyimiz kimi, yolayrıcında yaranan problem qısa müddətdə aradan qaldırıldı. Dünən günün ikinci yarısından etibarən işıqforun işi bərpa olunub. Hazırda sözügedən işıqfor obyekti normal şəkildə fəaliyyəti göstərir ", - deyə M.Ağayev vurğulayıb.
