Lənkəranda avtomobil evin hasarına çarpılıb. Bu haqda bu gün, 11 fevral tarixində Cenublu.az Report.az-a istinadən xəbər verir.
Lənkəranda avtomobil hasara çarpılıb, iki nəfər xəsarət alıb.
Hadisə Lənkəran-Boradigah yolunun Lənkəran rayonunun Viravul kəndi ərazisindən keçən hissəsində qeydə alınıb.
Lənkəran şəhər sakini, 25 yaşlı Rəvan Rəşad oğlu Tağızadə idarə etdiyi “Chevrolet” markalı 90-OA-661 dövlət qeydiyyat nişanlı avtomobillə Lənkəran istiqamətində hərəktdə olarkən Virulçayın üstündə yerləşən körpüdə idarəetməni itirib.
Avtomobil əvvəl dəmir çəpərə çarpılıb, sonra daş hasarı aşıraraq Viravul kənd sakini Rasət Babayevə mexsus həyətə girib.
Nəticədə sürücü və Lənkəran şəhər sakini, 46 yaşlı Rəvanə Əbdüləziz qızı Tağıyeva müxtəlif dərəcəli bədən xəsarətləri ilə Lənkəran Rayon Mərkəzi Xəstəxanasına çatdırılıblar.
İlkin ehtimala görə, qəzanın baş verməsinə səbəb əlverişsiz hava şəraiti və havanın çiskin olması olub.
Faktla bağlı araşdırma aparılır.
