Lənkəran şəhəri, Mirhaşım Ağayev və Zərifə Əliyeva küçələrinin kəsişməsində yerləşən xəndək kol-kos və tullantı ilə dolub. Bu haqda məlumatı Cenublu.az bu gün, 8 iyun tarixində verir.
Sakinlər bildirirlər ki, xəndək ara-sıra təmizlənsə də, üstü açıq olduğundan yenə zibillənir.
Həmçinin sakinlər əlavə ediblər ki, küçədə piyada səkisi olmadığından onlar avtomobil yolu ilə hərəkət etməli olurlar.
“Yolun bir tərəfi üstü açıq xəndək, digər tərəfi avtomobil yolu. Piyadalar haradan gedəcəklərini bilmirlər. Avtomobil yoluna çıxaraq təhlükə yaradırlar. Xahiş edirik, aidiyyəti qurumlar xəndək və səki problemimizi həll etsin”, - deyə sakinlər bildiriblər.
