Lənkəranda küçələrdən birinin yol örtüyü yararsız vəziyyətə düşüb. Sakinlərdən Cenublu.az-a verilən məlumata əsasən, yolun pis vəziyyətdə olması nəqliyyat vasitələrinin, eləcə də təcili xidmətlərin küçəyə daxil olmasını maneə törədir:
“Yolun pis vəziyyətdə olması səbəbindən küçəyə nə taksi, nə də Təcili Tibbi Yardım avtomobili gələ bilmir. Əmələ gələn çuxurlar yağış yağanda gölməçəyə çevrilir və uzun müddət qurumur. Bu küçədə şəhidimiz Möhübbət Məhərrəmovun ailəsi də yaşayır. Dəfələrlə aidiyyəti qurumlara müraciət etmişik, lakin məsələ hələ də öz həlini tapmayıb. Xahiş edirik, problemimizi həll etsinlər”, – deyə sakinlər bildiriblər.
Xatırladaq ki, sözügedən küçədə yaranmış problemlə bağlı daha öncə məlumat vermişdik.
[URIS id=65202]
