Lənkəran rayonu, Səpnəkəran kəndi ərazisində baş vermiş qəzada xəsarət alan 14 yaşlı yeniyetmə xəstəxanada vəfat edib. Bu haqda məlumatı Cenublu.az bu gün, 31 may tarixində Apa.az-a istinadən verir.
Xəsarət alan 14 yaşlı Rəvayət Fərəcova Lənkəran Mərkəzi rayon xəstəxanasının reanimasiya şöbəsində ilkin tibbi yardım göstərildikdən sonra Masallıda özəl xəstəxanaya çatdırılsa da, onun həyatını xilas etmək mümkün olmayıb.
Qeyd edək ki, ötən gün Lerik rayonunun Rvarud kənd sakini, 49 yaşlı Ehram Firudin oğlu Muradov "Niva" markalı, 99-MK-990 dövlət nömrə nişanlı minik avtomobili ilə hərəkətdə olarkən, 14 yaşlı Səpnəkəran kənd sakini Rəvayət Füzuli qızı Fərəcovanı vurub.
Faktla bağlı araşdırma aparılır.
