Fövqəladə Hallar Nazirliyinin “112” qaynar telefon xəttinə Ələt–Astara magistral yolunun Lənkəran rayonundan keçən hissəsində yol-nəqliyyat hadisəsinin baş verməsi və vətəndaşın avtomobildə sıxılmış vəziyyətdə qalması barədə məlumat daxil olub. Bu haqda məlumatı Cenublu.az bu gün, 4 aprel tarixində verir.
Hadisə yerinə dərhal FHN-in Cənub Regional Mərkəzinin xilasediciləri cəlb ediliblər. Müəyyən olunub ki, “Ford” markalı yük avtomobili idarəetmədən çıxaraq irəlidə hərəkət edən “Belarus” markalı nəqliyyat vasitəsinə çarpılıb və yol kənarına aşıb. Yük avtomobilindəki sərnişin deformasiyaya uğramış nəqliyyat vasitəsində sıxılmış vəziyyətdə qalıb.
Xilasedicilər avtomobildə sıxılmış vəziyyətdə qalan Lənkəran rayonunun Göyşaban kənd sakini Abbasov Samir Yusif oğlunu xilas edərək təcili tibbi yardım briqadasına təhvil veriblər.
Hadisə ilə əlaqədar müvafiq qurumlar tərəfindən təhqiqat aparılır.
