Lənkəranda bacı və qardaş qəzaya düşüblər. Bu haqda bu gün, 21 aprel tarixində Cenublu.az Report.az-a istinadən xəbər verir.
Avtomobil yeniyetmə bacı və qardaşı vurub. Hadisə rayonun Sütəmurdov kəndi ərazisində baş verib.
"Chevrolet Cruze" markalı minik avtomobili 18 yaşlı Xədicə Süleyman qızı Kərimovanı və onun qardaşı, 17 yaşlı Həsən Süleyman oğlu Kərimovu vurub. Yaralılar Lənkəran Rayon Mərkəzi Xəstəxanasına çatdırılıblar.
H.Kərimovun vəziyyəti daha ağır olduğundan o, reanimasiyaya yerləşdirilib.
Faktla bağlı araşdırma aparılır.
